Yuxarı
    Bağlamaq

    Türkiyədə "Qalatasaray"ın azərbaycanlı Konqres üzvünü qarət edən şəxs yaxalanıb - VİDEO

    Bəxtiyar Muradov bu gün oğru ilə məhkəmədə görüşəcək

    Bakı. 5 yanvar. REPORT.AZ/ Türkiyənin "Qalatasaray" klubunun Konqres üzvü olan azərbaycanlı iş adamı Bəxtiyar Muradovun çantasını oğurlayan şəxs yaxalanıb. "Report"un məlumatına görə, bu barədə 34 yaşlı biznesmenin özü "facebook" səhifəsində yazıb.

    B.Muradov bildirib ki, oğru ilə bu gün məhkəmədə üz-üzə gələcək. İş adamı ona dəstək olan bütün media nümayəndələrinə və təhlükəsizlik xidməti əməkdaşlarına minnətdarlığını bildirib.

    Hadisə Antalyanın Muratpaşa qəsəbəsindəki öz restoranında baş verib. B.Muradov yemək almağa gedərkən, stolun üzərinə qoyduğu çantası oğurlanıb. Çantada "Galatasaray Store" mağazasının iki günlük gəliri məbləğində - 10 min lirə pul, 20 min lirə dəyərində zərgər məmulatları, kompüter və önəmli məlumatların toplandığı disk olub. Qarət anbaan kameralara düşüb. Oğru orta yaşlı şəxs olub. 

    Qeyd edək ki, Bəxtiyar Muradovun restoranının açılış mərasimi bir müddət öncə keçirilib. Tədbirə CHP sədri Kemal Kılıçdaroğlu, xarici işlər naziri Mevlüt Çavuşoğlu, CHP-nin sabiq sədri Deniz Baykal, "Antalyaspor" klubunun prezidenti Güntekin Gençer, "Qalatasaray" və "Beşiktaş"ın futbolçuları, bələdiyyə sədrləri və digər tanınmış şəxslər qatılıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi