Bakı. 1 avqust. REPORT.AZ/ Futbol üzrə Türkiyə Super Liqasının start tarixi dəyişdirilə bilər. "Report"un Türkiyə KİV-inə istinadən verdiyi məlumata görə, artıq bir neçə klub bununla bağlı Türkiyə Futbol Federasiyasına müraciət ünvanlayıb.
"Antalyaspor", "Mersin" və "Qaziantepspor" klubları çempionatın avqustun 14-də başlamasına etiraz edib. Buna səbəb kimi isə havanın həddən artıq isti olması amili qeyd edilir.
Məsələ ilə bağlı Federasiya rəsmilərinin hidrometeoroloqlarla məsləhətləşəcəyi və bundan sonra yekun qərarın veriləcəyi bildirilir.