Yuxarı

Türkiyə çempionatının növbəti turu azərbaycanlı futbolçular üçün uğursuz keçib

Mahir Şükürov və Cavid İmamverdiyev 90 dəqiqə meydanda olsa da, komandaları uduzub

Bakı. 9 mart. REPORT.AZ/Türkiyə I Liqasında XXIII turun oyunlarından 8-i keçirilib. "Report"un məlumatına görə, hesabat turu azərbaycanlı futbolçular və onların klubları üçün heç də uğurlu olmayıb.

Mahir Şükürovun 90 dəqiqə meydanda olduğu görüşdə "Karşıyaka" səfərdə "Qaziantep BB"yə uduzub - 0:2. Cavid İmamverdiyev də "Elazığspor"un heyətində sonadək oynayıb. Lakin onun komandası səfərdə yığmanın sabiq hücumçusu Branimir Subaşiçin çıxış etdiyi "Manisaspor"a uduzub - 0:1. Bu matçda Subaşiç 65 dəqiqə meydanda olub.

"Adanaspor" Cəmşid Məhərrəmovun 90 dəqiqə oynadığı derbidə "Adana Dəmirspor"a uduzub - 0:1.

"Dənizlispor" "Alanyaspor"a Rail Məlikovsuz uduzub - 0:1. Məlikov sonadək ehtiyat oyunçular skamyasında oturub. Əvəzində Vaqif Cavadovun da meydana buraxılmadığı görüşdə "Boluspor" səfərdə "Altınordu"nu yenə bilib - 2:1. Tura bu gün lider "Kayserispor"un səfərdə "Bucaspor"la keçirəcəyi oyunla yekun vurulacaq. Qonaqların qapısını Kamran Ağayevin qoruyacağı gözlənilir.

Qeyd edək ki, hazırda "Karşıyaka" 33 xalla 8-ci, "Boluspor" 31 xalla 9-cu, "Adanaspor" 28 xalla 12-ci, "Elazığspor" 27 xalla 13-cü, "Manisaspor" 23 xalla 15-ci, "Dənizlispor" 18 xalla 17-cidir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi