Bakı. 10 iyun. REPORT.AZ/ Türkiyənin "Trabzonspor" klubu Azərbaycan milli komandasının və "Qarabağ"ın futbolçusu Bədavi Hüseynovu transfer siyahısına daxil edib. "Report"un "Habertürk"ə istinadən verdiyi məlumata görə, bu məqsədlə Ağdam klubunun rəhbərliyi ilə danışıqlara başlanılıb.
Lakin "Qarabağ" B.Hüseynova 1 milyon avro qiymət qoyub. Hazırda iki klub arasında danışıqlar gedir.
Qeyd edək ki, Bədavi Hüseynov hazırda Azərbaycan milli komandasının düşərgəsində iyunun 12-də Norveçlə Osloda keçiriləcək AVRO-2016-nın seçmə qrup matçına hazırlaşır.