Yuxarı

"Trabzonspor" klubu baş məşqçisi ilə yollarını ayırıb

Şota Arveladzeyə 200 min avro təzminat ödəniləcək

Bakı. 11 noyabr. REPORT.AZ/ Türkiyənin "Trabzonspor" futbol komandasının baş məşqçisi Şota Arveladze istefaya göndərilib. "Report"un məlumatına görə, tərəflər qarşılıqlı anlaşma əsasında yollarını ayırıblar. 

Gürcüstanlı mütəxəssisə müqavilənin pozulması qarşılığında 200 min avro təzminat ödəniləcək. 5-6 dekabrda keçiriləcək konqresədək komandaya Sadi Tekelioğlu rəhbərlik edəcək. 

Qeyd edək ki, Şota Arveladze mövsümün əvvəllərində "Trabzonspor"a baş məşqçi təyin olunub. Onun rəhbərliyi altında komanda Türkiyə Super Liqasında 11 oyundan 4 qələbə, 2 heç-heçə və 5 məğlubiyyətlə 12-ci pillədə qərarlaşıb. Avropa Liqasında isə klub III təsnifat mərhələsində Makedoniyanın "Rabotniçki" klubuna yenilərək (0:1, 1:1) mübarizəni dayandırıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi