Bakı. 19 may. REPORT.AZ/ Rusiyanın "Zenit" klubu Türkiyə "Trabzonspor"undan Azərbaycan millisinin futbolçusu Ramil Şeydayevin transferi qarşılığında məhkəmə yolu ilə son 40 min dollar borcunu alıb.
"Report"un "Mutko protiv" teleqram-kanalına istinadən verdiyi məlumata görə, "Trabzonspor" ödəməli olduğu 169 min avronun sonuncu tranşını FİFA-nın müdaxiləsindən sonra köçürüb. Türkiyə klubu vəsaitin böyük hissəsini bir neçə tranşla ödəsə də, qalan məbləği vermədiyi üçün "Zenit" FİFA-ya şikayət edib. Nəticədə son ödəniş də gerçəkləşib.
Qeyd edək ki, Ramil Şeydayev "Zenit"də 2013 - 2016-cı illərdə çıxış edib. O, 2016-cı ilin yayında transfer olunduğu "Trabzonspor"la 4 illik müqavilə bağlayıb. Hazırda 22 yaşlı forvard icarə əsasında "Qarabağ"da çıxış edir.