Yuxarı

Toni Adams Böyük Britaniyanın ən uğursuz baş məşqçilərindən sayılıb

O, Qəbələdən ayrıldıqdan sonra heç bir komandada çalışmayıb

Bakı. 3 yanvar. REPORT.AZ/ Böyük Britaniya futbolu tarixində bütün dövrlərin ən zəif baş məşqçilərinin müəyyənləşdirilməsi məqsədilə sorğu keçirilib. "Report"un məlumatına görə, "Sportskeeda" nəşrinin sorğusunda uğursuzlar sırasına Azərbaycanın "Qəbələ" futbol komandasının sabiq baş məşqçisi Toni Adams da düşüb. 

48 yaşlı mütəxəssis ən az səs toplayan 5 nəfərdən biri olub. Ondan əlavə, Pol Cyuell, Maykl Nayton, Louri Sançes və Terri Konnor da uğursuzlar siyahısında yer alıb. 

Qeyd edək ki, Toni Adams 2003-cü ildə futbolçu karyerasını başa vurduqdan sonra İngiltərənin "Uikomb Uonderers" və "Portsmut" komandalarının baş məşqçisi olub. O, "Qəbələ"nin sükanı arxasına isə 2010-cu ildə keçib. Adams 2011-ci ilin noyabrında istefa verdikdən sonra baş məşqçi kimi çalışmayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi