Syerra Leone Futbol Federasiyasının FIFA-ya üzvlüyü dayandırılıb

Bakı. 5 oktyabr. REPORT.AZ/ Syerra Leone Futbol Federasiyasının (SLFA) FIFA-ya üzvlüyü dayandırılıb.

“Report” TASS-a istinadən xəbər verir ki, bu barədə FIFA-nın Mətbuat xidməti məlumat yayıb. 

Buna səbəb hökumətin federasiyanın işlərinə müdaxilə etməsi, xüsusilə qurumun prezidenti və baş katibinin vəzifələrindən azad olunmasıdır.  

Syerra Leone Futbol Federasiyasının binasının bağlanması ilə bağlı narahatlıq ifadə olunan rəsmi məktub ölkənin idman nazirinə göndərilib.