Bakı. 11 yanvar. REPORT.AZ/ "Sumqayıt" futbol klubunda növbəti təyinat rəsmiləşib. "Report"un klubun rəsmi saytına istinadən verdiyi məlumata görə, Müşahidə Şurasının qərarına əsasən, Aqil Məmmədov klubda texniki direktor vəzifəsinə gətirilib.
44 yaşlı mütəxəssis bundan sonra "Sumqayıt"ın akademiyasına rəhbərlik edəcək. A.Məmmədov bu gün akademiyanın məşqçi və inzibati heyətinə təqdim edilib.
Qeyd edək ki, Aqil Məmmədov "Sumqayıt"da baş məşqçi vəzifəsində də çalışıb. O, 2015-ci il oktyabrın 5-də tutduğu vəzifədən istefa verib və yerinə Samir Abasov təyin olunub.