"Sumqayıt" "Keşlə"nin qapıçısını icarəyə götürüb

Bakı. 17 avqust. REPORT.AZ/ 2018/2019 mövsümü üçün transfer çalışmalarını davam etdirən "Sumqayıt" daha bir futbolçunu heyətinə cəlb edib.

“Report” klubun rəsmi saytına istinadən xəbər verir ki, "Keşlə"nin qapıçısı Orxan Sadıqlı icarə əsasında “Sumqayıt”da çıxış edəcək. O, 15 nömrəli formanı geyinəcək.

Qeyd edək ki, "Xəzər Lənkəran" və "Keşlə"nin şərəfini qorumuş Sadıqlı Azərbaycanın U-17, U-19 və U-21 millilərində çıxış edib.