Yuxarı
    Bağlamaq

    "Sumqayıt” futbol klubunun Müşahidə Şurasının iclası keçirilib

    Samir Abasovun əsas komandanın baş məşqçisi postunda işini davam etdirməsinə dair qərar qəbul olunub

    Bakı. 3 avqust. REPORT.AZ/ Bu gün "Sumqayıt” futbol klubunun Müşahidə Şurasının növbəti iclası keçirilib.

    “Report”un klubun rəsmi saytına istinadən verdiyi məlumata görə, toplantıda müxtəlif mövzulara toxunulub, bəzi vacib məsələlər barəsində fikir mübadiləsi aparılıb. Həmçinin ötən mövsümün nəticələri müzakirə edilib, əsas əvəzedici komandanın 2017/2018 futbol mövsümünə hazırlıq mərhələləri dəyərləndirilib. 

    Akademiyadakı ümumi iş və yeniliklər barəsində məlumat çatdırılmaqla yanaşı, Müşahidə Şurası tərəfindən bəzi məsələlərlə bağlı müxtəlif tapşırıqlar verilib.

    İclasda "Sumqayıt"ın əsas komandasının baş məşqçisi Samir Abasov da iştirak edib. Onun ötən mövsüm üçün hesabatı dinlənilib.

    Müşahidə Şurası baş məşqçi və onun köməkçiləri ilə əməkdaşlığın davam etdirilməsi ilə bağlı qərar verib.

    Qeyd edək ki, Samir Abasov 2015-ci ilin oktyabrında “Sumqayıt”ın baş məşqçisi postunda Aqil Məmmədovu əvəzləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi