Yuxarı
    Bağlamaq

    Stefan Əl-Şaravi: "Meydanda ürəyimizi qoyduq"

    ​İtaliya millisinin futbolçusu Azərbaycan yığması ilə matçdan sonra sualları cavablandırıb.

    İtaliya millisinin və Fransanın "Monako" klubunun futbolçusu Stefan Əl-Şaravi Azərbaycan yığması ilə AVRO-2016-nın seçmə qrup matçından sonra jurnalistlərin suallarını cavablandırıb.

    - Oyun barədə nə deyə bilərsiniz?

    - Mərhələ adlamaq baxımından çox vacib qələbə qazandıq. Oyuna bir həftəyədək hazırlıq keçmişdik. Meydançada ürəyimizi qoyduq. Fransaya yollanacağımızdan çox şadıq.

    - "Qarabağ"la qarşıdakı oyunlar barədə nə deyə bilərsiniz?

    - Çox yaxşı, mütəşəkkil komandaya qarşı mübarizə aparacağıq. Həmin oyunda özümüzü göstərməyə çalışacağıq. "Qarabağ"ın çox yaxşı komanda olduğunu bilirik. Buna görə özümüzü bu görüşə tam kökləyəcəyik.

    - Bu oyunadək Azərbaycan futbolu barədə təsəvvürünüzü "Qarabağ" yaratmışdı, yoxsa ümumilikdə məlumatlı idiniz?

    - Təsəvvürlərim bu oyundan başlayır. Azərbaycan millisi fərdi cəhətdən hazırlıqlı futbolçulardan ibarət kollektivdir. 4 oyundur uduzmurdunuz və buna görə çox ciddi hazırlaşmışdıq. Azərbaycan millisinin oyununu çox bəyəndim.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi