"Sportinq" klubunda prezident seçkiləri keçiriləcək

Bakı. 3 sentyabr. REPORT.AZ/ "Qarabağ"ın Avropa Liqasının qrup mərhələsindəki rəqibi Portuqaliyanın "Sportinq" klubunda prezident seçkiləri keçiriləcək.

"Report" klubun Mətbuat xidmətinə istinadən xəbər verir ki, seçki sentyabrın 7-də baş tutacaq.

Qeyd edək ki, "Qarabağ" Avropa Liqasının qrup mərhələsində ilk oyununu səfərdə "Sportinq"ə qarşı keçirəcək. Portuqaliyanın paytaxtı Lissabondakı "Joze Alvalade" stadionunda keçiriləcək görüş Bakı vaxtı ilə saat 23:00-da başlanacaq.