Son on ildə İngiltərə Premyer Liqasında çıxış edən futbol klublarının transfer xərcləri 3 dəfə artıb

Bakı. 6 fevral. REPORT.AZ/ Son on ildə İngiltərə Premyer Liqasında çıxış edən futbol klublarının transfer xərcləri 3 dəfə artıb.

“Report” xəbər verir ki, bu barədə “Deloitte” beynəlxalq audit şirkətinin hesabatında bildirilir.

Məlumata görə, elita təmsilçiləri 2007/2008 mövsümündə 645 milyon funt sterlinq xərcləyiblərsə, 2017/18 mövsümündə bu göstərici 1,86 milyard funt sterlinq təşkil edib. Bunun da 430 milyon funtu qış “transfer pəncərəsi”nin payına düşüb.

Qeyd edək ki, Premyer Liqanın geridə qalan 26 turundan sonra “Mançester Siti” 69 xalla liderdir. İkinci sıradakı “Mançester Yunayted”in 56, “üçlüy”ü qapayan “Liverpul”un isə 51 xalı var.