Yuxarı

SOCAR Sadıq Sadıqovun "Neftçi"nin prezidenti vəzifəsindən istefasına dair xəbərlərə aydınlıq gətirib

Neftçi PFK Neftçi İdman Klubunun tərkibinə verilib

Bakı. 30 mart. REPORT.AZ/ Azərbaycan Respublikasının Dövlət Neft Şirkəti (SOCAR) baş sponsoru olduğu "Neftçi" klubunun prezidenti Sadıq Sadıqovun vəzifəsindən istefa verdiyinə dair xəbərlərə münasibət bildirib. 

Qurumun mətbuat xidməti və ictimaiyyətlə əlaqələr şöbəsinin rəhbəri Nizaməddin Quliyev "Report"a açıqlamasında məlumatı təkzib edib.

Onun sözlərinə görə, heç bir istefadan söhbət getmir: "Sadıq Sadıqov hazırda "Neftçi" İdman Klubunun rəhbəridir, eyni zamanda, "Neftçi" Peşəkar Futbol Klubunun prezidentidir. "Neftçi" PFK "Neftçi" İdman Klubunun tərkibinə verilib. Bununla əlaqədar bəzi nizamnamə və struktur dəyişiklikləri gözlənilir. Bu barədə ictimaiyyətə əlavə məlumat veriləcək".

Qeyd edək ki, bu gün bəzi mətbu orqanlarda Sadıq Sadıqovu Yazıçılar Birliyinin katibi Çingiz Abdullayevin əvəzlədiyinə dair xəbərlər yayılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi