Yuxarı
    Bağlamaq

    Slovakiya çempionu Ramil Şeydayevi "Trabzonspor"dan birdəfəlik alacaq

    21 yaşlı hücumçu üçün 500 min avro təklif olunub

    Bakı. 14 iyun. REPORT.AZ/ Slovakiyanın "Jilina" klubu Azərbaycan milli komandasının futbolçusu Ramil Şeydayevin transfer hüququnu ələ keçirmək istəyi ilə Türkiyənin "Trabzonspor" klubuna müraciət edib.

    "Report"un "Fotospor"a istinadən verdiyi məlumata görə, 21 yaşlı hücumçu üçün "bordo-mavililər"ə 500 min avro təklif olunub.

    "Trabzonspor" isə 2 milyon avro istəyib. Lakin Türkiyə təmsilçisi oyunçunun çox da bazarlıq etmədən ən münasib şərtlərlə verilməsini qərara alıb.

    Qeyd edək ki, Ramil Şeydayev "Trabzonspor"a 2016-cı ilin yayında Rusiya "Zenit"indən transfer olunub. Lakin o, qışda "Jilina"ya 1,5 illik icarəyə verilib. Slovakiya təmsilçisinin heyətində 12 oyuna 6 qol və 2 məhsuldar ötürmə müəllifi olan Şeydayev ölkə çempionluğunu da qazanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi