Yuxarı

"Qəbələ"yə zədəli qayıdan futbolçunun durumuna aydınlıq gətirilib

Sergey Zenyov PAOK-la oyuna hazır olacaq

Bakı. 11 sentyabr. REPORT.AZ/ Estoniya millisinin düşərgəsində zədələnən "Qəbələ"nin futbolçusu Sergey Zenyovun durumuna aydınlıq gəlib. Klubun meneceri Səbuhi Səfiyarlının "Report"a verdiyi məlumata görə, 26 yaşlı hücumçu tibbi müayinədən keçib. 

Müayinə nəticəsində Zenyovun zədəsinin ciddi olmadığı aşkarlanıb. Artıq forvardın məşqlərə qoşulduğunu bildirən menecer onun Azərbaycan Premyer Liqasının IV turunda "İnter"ə qarşı oynamasının riskli olduğunu söyləyib. Amma "Qəbələ" rəsmisi Zenyovun Avropa Liqasında qrup mərhələsinin ilk turunun Yunanıstan PAOK-u ilə görüşündə meydana çıxacağını vurğulayıb. 

Qeyd edək ki, "Qəbələ" "İnter"lə sentyabrın 12-də, PAOK-la isə sentyabrın 17-də üz-üzə gələcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi