Yuxarı

Serbiyalı futbolçunun evi "Yuventus"la matç zamanı qarət olunub

Serbiyalı futbolçunun evi "Yuventus"la matç zamanı qarət olunub

İtaliyanın "Latsio" klubunun futbolçusu Sergey Milinkoviç-Saviçin evi A Seriyasının XV turunda "Yuventus"la matç zamanı qarət olunub.

"Report" "Sky Sports Italia"ya istinadən xəbər verir ki, 24 yaşlı yarımmüdafiəçi dostları ilə birlikdə qələbəni qeyd etdikdən sonra evə qayıdıb və mənzilinin qarət olunduğunu görüb. 

Oğrular serbiyalı oyunçunun 5 saatını və 100 min avro məbləğində pulunu götürüblər.

Qeyd edək ki, "Latsio" "Yuventus"u 3:1 hesabı ilə məğlub edib. Milinkoviç-Saviç 2015-ci ildə Belçika "Genk"indən Roma klubuna keçib. Yarımmüdafiəçi cari mövsümdə 19 görüşdə meydanda olub və 4 qol vurub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi