Yuxarı
    Bağlamaq

    ​Seltik"in futbolçusu: ""Qarabağ"la oyun çətin olacaq və ona hazırlaşmaq lazımdır"

    Vircil van Deyk: Qarabağın stadionu tam dolu olacaq

    Bakı. 3 avqust. REPORT.AZ/ "Qarabağ" ilə oyun çətin olacaq və ona hazırlaşmaq lazımdır". "Report" İngiltərənin "Express" nəşrinə istinadən xəbər verir ki, bu barədə UEFA Çempionlar Liqasının üçüncü təsnifat mərhələsində Azərbaycanın "Qarabağ" klubu ilə cavab qarşılaşmasından əvvəl Şotlandiyanın "Seltik" komandasının oyunçusu Virсil van Deyk bildirib.

    24 yaşlı mərkəz müdafiəçisi "Qarabağ"ın ötən il keçirdiyi oyunları izlədiyini açıqlayıb. Hollandiyalı futbolçu hesab edir ki, bu komanda ilə oyuna hazır olmaq lazımdır: "Bu, çətin bir matç olacaq. "Qarabağ"ın böyük stadionu var, həmin stadion tam dolu olacaq. Biz öz yüksək səviyyəmizi göstərməliyik".

    Qeyd edək ki, avqustun 5-də Tofiq Bəhramov adına Respublika stadionunda keçiriləcək "Qarabağ" - "Seltik" matçı saat 21:00-da başlanacaq. Bu komandalar arasındakı ilk görüş Şotlandiya təmsilçisinin qələbəsi ilə yekunlaşıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi