Bakı. 9 mart. REPORT.AZ/ Ötən gün futbol üzrə Xorvatiya çempionatında 24-cü turun oyunları keçirilib.
"Report" xəbər verir ki, futbolçumuz Ruslan Qurbanovun şərəfini qoruduğu "Hayduk" növbəti qələbəsini qazanıb.
Səfərdə "Osiyek"lə qarşılaşan "Hayduk" ilk hissəyə əlavə olunmuş dəqiqədə (45+2) Andrey Baliçin vurduğunu qolla hesabı açıb (1:0) və tablodakı rəqəmlər sonadək dəyişməyib.
Komandanın baş məşqçisi bu matçda həmyerlimizə etimad göstərməyib.
Hazırda "Hayduk" 36 xalla turnir cədvəlinin 3-cü pilləsində qərarlaşıb.