"Səbail" komandasına qoşulan 10 yeni futbolçunun forma nömrələri müəyyənləşib

Bakı. 6 fevral. REPORT.AZ/ Qış transfer dövründə "Səbail" komandasına qoşulan 10 yeni futbolçunun forma nömrələri müəyyənləşib.

"Report"un məlumatına görə, yeni qapıçılardan Emil Balayev 99 nömrəli formanı geyinəcəksə, Rəşad Əzizli "94"ü seçib.

Ruslan Tağızadə 16, Eltun Yaqublu 20, Tanrıverdi Məhərrəmli 19, Aslan Hüseynov 15, Orxan Qurbanlı 95, Samir Əhmədov 45, Qvanzav Maqomedov 4, Mirzağa Hüseynpur isə 88 nömrəli formalarla mübarizə aparacaq.

Qeyd edək ki, ilk dövrəni 25 xalla 4-cü pillədə başa vuran "Səbail" qış fasiləsindən sonra ilk oyununu XV tur çərçivəsində fevralın 11-də MOİK-ə qarşı keçirəcək.