Yuxarı
    Bağlamaq

    "Səbail" klubunun "Sehirli Yolka" şənliyinə 3 mindən çox uşaq qatılıb

    Tədbir Bayıl Arenada keçirilib

    Bakı. 26 dekabr. REPORT.AZ/ Azərbaycan I Divizionunda çıxış edən "Səbail" klubu qarşıdan gələn yeni il münasibətilə "Sehrli Yolka" şənliyi keçirib. "Report"un məlumatına görə, komandanın ev oyunlarını keçirdiyi "Bayıl Arena"da təşkil olunan tədbirə 3 mindən artıq uşaq qatılıb.

    İlk olaraq Şaxta baba və Qar qız meydana çıxıb. Ardınca balaca qonaqlar üçün animatorlar, köpük şousu, klounlar, bir-birindən əyləncəli, rəngarəng oyunlar, nəğmələr, rəqslər, "face art" təşkil olunub. Proqram uşaqlar və valideynlər tərəfindən maraqla, sevinc hissi ilə qarşılanıb.

    Şənliyə gələn uşaqlar komandanın futbolçuları ilə şəkillər çəkdirərək onlarla kiçik oyunlar keçiriblər. Futbolçular uşaqlara imzalı şəkillərini hədiyyə ediblər. Bayram şənliyinin sonunda Şaxta baba "Sehirli Yolka"ya gələn hər bir uşağa öz hədiyyə boğçasını təqdim edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi