"Səbail"in qapıçısı: "Karabükspor" mənə müəyyən məbləğ ödəməyə borcludur"

"Səbail" komandasının qapıçısı Aleksandr Rıbka Türkiyənin "Karabükspor" klubunun ona olan borcundan danışıb.

"Report" "Ua-football" nəşrinə istinadən xəbər verir ki, 32 yaşlı qolkiper klubla məhkəməsinin uzun müddət davam etdiyini bildirib. 

Ukraynalı oyunçu "Karabükspor"un hələ də böyük məbləğdə borcu qaldığını sözlərinə əlavə edib: "Məhkəmə artıq bitib. Mənim xeyrimə qərar çıxarılıb. "Karabükspor" mənə müəyyən məbləğ ödəməyə borcludur. Ödəyib-ödəməyəcəklərini bilmirəm. Klub hələ ki mövcuddur. Amma iflasa doğru gedir. Buna görə də ödəniş üçün ümidim azdır".

Qeyd edək ki, Aleksandr Rıbka 2017/2018 mövsümündə "Karabükspor"un formasını geyinib.