Samir Əliyev: Növbəti mərhələyə vəsiqə qazana bilərik

Bakı. 3 iyul. REPORT.AZ/ "2:1 öndə olub, oyunun sonunda qol buraxmaq məyyus edicidir". "Report"un məlumatına görə, bunu Avropa Liqasının I təsnifat mərhələsində Bakıda Monteneqronun "Mladost" komandası ilə qarşılaşan "Neftçi" klubunun baş məşqçisi Samir Əliyev deyib.

Onun sözlərinə görə, komanda az məşq etdiyi üçün oyuna tam hazır deyildi: "Ümumi olaraq bü günkü nəticə normaldır. Biz növbəti mərhələyə vəsiqə qazana bilərik. Çalışacağıq ki, səfər oyununda rəqibi əks hücumlarda yaxalayaq. İnanıram ki çətin olmayacaq. Bu gün siz gənc və mübariz komanda gördünüz".