Yuxarı
    Bağlamaq

    "Sabah" komandası Azərbaycan Premyer Liqasında liderliyə yüksəlib

    Bakı. 16 sentyabr. REPORT.AZ/ Futbol üzrə Azərbaycan Premyer Liqasında IV turun daha bir oyunu keçirilib.

    "Report" xəbər verir ki, həftənin üçüncü matçında debütant "Sabah" "Qəbələ"ni qəbul edib.

    "Əlincə Arena"da baş tutan görüşün taleyini 23-cü dəqiqədə meydan sahiblərinin hücumçusu Marko Deviçin vurduğu qol həll edib - 1:0.

    Bombardirlik yarışında lider olan ukraynalı forvard cari çempionatda 6-cı qoluna imza atıb.

    Bu qələbədən sonra xalını 9-a çatdıran "Sabah" 1-ci pilləyə yüksəlib. Hesabında 4 xalı olan "Qəbələ" isə 4-cü sıradadır.

    Qeyd edək ki, IV turun ilk iki oyununda "Qarabağ" evdə "Sumqayıt"ı məğlub edib - 1:0. "Səbail" - "Zirə" görüşündə isə 1:1 hesablı heç-heçə qeydə alınıb. Həftəyə saat 21:00-da start götürəcək "Neftçi" - "Keşlə" matçı ilə yekun vurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi