Yuxarı

"Sabah" klubu "Qəbələ"nin futbolçusu ilə müqavilə bağlayıb - RƏSMİ

Təmkin Xəlilzadə 2 illik sözləşməyə imza atıb

Bakı. 29 dekabr. REPORT.AZ/ “Sabah” klubu qış fasiləsində növbəti futbolçu transferini rəsmiləşdirib. 

"Report"un klubun rəsmi saytına istinadən verdiyi məlumata görə, Azərbaycan millisinin üzvü Təmkin Xəlilzadə ilə 2 illik müqavilə bağlanıb. O, “Sabah”da 17 nömrəli forma geyinəcək.

Karyerası ərzində “Qarabağ”, “Şüvəlan”, “Zirə” komandalarında çıxış etmiş yarımmüdafiəçinin son klubu “Qəbələ” olub.

Təmkin əsas millidə 10 oyun keçirib, 1 qola imza atıb.

Xatırladaq ki, Xəlilzadə “Sabah” FK-nın qış fasiləsində həyata keçirdiyi ikinci transferdir. Debütant bir neçə gün öncə Rəşad Eyubovla müqavilə bağlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi