Rusiya Premyer Liqasının oyunları ölkə xaricində keçirilə bilər

Bakı. 19 aprel. REPORT.AZ/ Futbol üzrə Rusiya Premyer Liqasının oyunları ölkə hüdudlarından kənarda keçirilə bilər.

“Report”un məlumatına görə, bu barədə liqanın prezidenti Sergey Pryadkin TASS-a açıqlamasında bildirib. O deyib ki, matçlar Avropada və ya Rusiya diasporlarının olduğu ölkələrdə təşkil edilə bilər.

Qeyd edək ki, Rusiya çempionatının oyunları heç vaxt ölkə xaricində keçirilməyib.