Yuxarı
    Bağlamaq

    Rusiya Futbol İttifaqı: Birlik Kubokunun taleyi bu yay məlum olacaq

    İqor Vladimirov: Turnirin maliyyələşməsi ilə bağlı problem yoxdur, məsələ təşkilati komponentlərdədir

    Moskva. 31 yanvar. REPORT.AZ/ Bu ilin yayında futbol üzrə Birlik Kubokunun taleyinə aydınlıq gələcək.

    Bu barədə "Report"un Moskva müxbirinə Rusiya Futbol İttifaqının mətbuat katibi İqor Vladimirov Birlik Kuboku futbol turnirinin mümkün keçirilməsi məsələsini şərh edərkən bildirib.

    "Gələn il nə olacağı məlum deyil. Müxtəlif variantlar nəzərdən keçirilir. Bu an etibarilə məsələnin konkret həlli yoxdur. Müzakirələr davam etdirilir və yaya yaxın Birlik Kubokunun gələcək taleyi məlum olacaq" - İ.Vladimirov vurğulayıb.

    O, həmçinin turnirin maliyyələşməsi ilə bağlı problem olmadığını, məsələnin təşkilati komponentlərdə olduğunu deyib.

    Qeyd edək ki, daha əvvəl Rusiyanın idman naziri Vitali Mutko Birlik Kubokunun bərpa ediləcəyini və AFFA-dan həm kommersiya, həm də təşkilati baxımından maraqlı təklif aldıqlarını bildirib.

    Xatırladaq ki, Azərbaycan klubları 3 dəfə Birlik Kubokunun qalibi olub. Sonuncu dəfə buna 2011-ci ildə "İnter" (Bakı) nail olub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi