Yuxarı

Rumıniya klubunun futbolçusu penaltini vura bilməyən komanda yoldaşı ilə dalaşıb - VİDEO

Rumıniya klubunun futbolçusu penaltini vura bilməyən komanda yoldaşı ilə dalaşıb - VİDEO
Buna penaltini Panenka üslubunda vurma cəhdi səbəb olub

Bakı. 22 avqust. REPORT.AZ/ Futbol üzrə Rumıniya çempionatının VII turunda Buxarestin "Yuventus" və "Styaua" komandaları arasında keçirilmiş matçın uzatma dəqiqələrində qeyri-adi hadisə baş verib. "Report"un məlumatına görə, "Yuventus"un oyunçuları George Kalintaru və Valentin Barbulesku bir-biri ilə dalaşıb.

Buna Kalintarunun 90+6-cı dəqiqədə "Styaua"nın qapısına təyin olunmuş penaltini Panenka üslubunda vurma cəhdi səbəb olub. Həmin zərbəni rəqib qapıçı Florin Nitse asanlıqla tutub. Nəticədə "Yuventus" 1:2 hesabı ilə uduzub.

Bundan sonra Barbulesku Kalintaruya iradlar bildirərək, onu itələyib. Münaqişənin daha da böyüməsinə onların komanda yoldaşları imkan verməyiblər.

Qeyd edək ki, "Yuventus" Rumıniya çempionatında 7 turdan sonra 2 xalla sonuncu pillədə qərarlaşıb. Komandanın heyətində ötən mövsüm azarkeşi vurduğu üçün "Neftçi"dən qovulan Katalin Tira da yer alıb. Lakin Tira "Styaua" ilə matçda sonadək ehtiyatda qalıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi