Yuxarı
    Bağlamaq

    Rud Qullit: "Niderland yığmasına kömək etməyə hazıram"

    Düşünürəm ki, bu işi kimə təklif etsən razı olar

    Bakı. 28 mart. REPORT.AZ/ "Milan" klubunun və Niderland yığmasının sabiq futbolçusu Rud Qullit müvafiq təklif daxil olacağı təqdirdə "narıncılar"a rəhbərlik etməyə hazır olduğuna işarə edib.

    "Report" xəbər verir ki, bunu o, "beIN Sports" nəşrinə müsahibəsində bildirib.

    "Düşünürəm ki, bu işi kimə təklif etsən razı olar. Öz ölkənin yığmasının məşqçisi olmaq böyük fəxrdir. Mən yığmaya kömək etməyə hazıram. Lakin federasiya rəhbərliyinin planlarından heç kim xəbərdar deyil. Namizəd kifayət qədər çox olacaq. Görək nə olur", — deyə Qullit bildirib.

    Ötən gün Niderland millisinin baş məşqçisi Danni Blind DÇ-2018-in seçmə mərhələsində Bolqarıstana məğlubiyyətdən sonra (0:2) istefaya göndərilib. Təsnifat mərhələsində 5 oyuna 7 xal yığan komanda "A" qrupunda 4-cü yerdə qərarlaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi