Yuxarı

​Rövnəq Abdullayev: Bu gün Azərbaycan futbolunda bir ənənəyə çevrilmə hadisəsi baş verdi

İnanıram ki, Qəbələ klubu da, bizi sevindirəcək

Bakı. 27 Avqust. REPORT.AZ/ "Bu gün Azərbaycan futbolunda bir ənənəyə çevrilmə hadisəsi baş verdi. Bu gün "Qarabağ" ikinci dəfə qrup mərhələsinə vəsiqə qazandı".

"Report" xəbər verir ki, bunu AFFA prezidenti Rövnəq Abdullayev "Qarabağ"ın İsveçrənin "Young Boys" klubunu məğlub edərək Avropa Liqasının final mərhələsinə çıxmasına münasibət bildirərkən deyib.

"Gözəl oyun oldu. Bu gün, mən deyərdim ki, Azərbaycan futbolunda bir ənənəyə çevrilmə hadisəsi baş verdi. Bu gün "Qarabağ" ikinci dəfə qrup mərhələsinə keçdi. İnanıram ki, "Qəbələ" klubu da, bizi sevindirəcək və biz artıq ikinci böyük tarixi yazacağıq. Bütün futbolsevərləri təbrik edirəm. İnanıram ki, qrup mərhələsində də, gözəl oyun sərgiləyəcəklər".

AFFA prezidenti Tofiq Bəhramov adına Respublika stadionunun ot örtüyü ilə bağlı da fikir bildirib. O, stadionun ot örtüyünün təcili dəyişdirilməsi ilə bağlı Gənclər və İdman Nazirliyi ilə danışıqlar aparıldığını diqqətə çatdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi