Yuxarı

Ronaldunu DÇ-2018 zamanı MMA döyüşçüsü qoruyacaq

Ronaldunu DÇ-2018 zamanı MMA döyüşçüsü qoruyacaq
Onun digər mühafizəçisi isə keçmiş desantçıdır

Bakı. 4 iyun. REPORT.AZ/ Madrid "Real"ı və Portuqaliya yığmasının hücumçusu Kriştianu Ronaldunu Rusiyada keçiriləcək futbol üzrə Dünya çempionatı zamanı keçmiş desantçı Nuno Marekos və MMA döyüşçüsü Qonsalo Salqado qoruyacaq.

“Report” xəbər verir ki, Marekos əvvəllər orduda xidmət edib, indi isə Portuqaliyanın özəl mühafizə şirkətlərindən birini təmsil edir. Boş vaxtlarında toreador kimi pul qazanır.

Salqado da həmin mühafizə şirkətində çalışır. O, 2006-cı ildən 2011-ci ilə qədər superağır çəkidə 7 döyüşdə qalib gəlib.

Marekos və Salqadonun Çempionlar Liqasının Kiyevdə keçirilən final oyunu zamanı da Ronaldunu müşayiət etdiyi bildirilir.

Portuqaliya DÇ-2018-in qrup mərhələsində İspaniya, Mərakeş və İranla qarşılaşacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi