Yuxarı
    Bağlamaq

    Ronaldinyo futbolçu karyerasını bərpa edir

    36 yaşlı hücumçuya ayda 88 min avro maaş, eləcə də dəbdəbəli malikanə və cangüdən təklif olunub

    Bakı. 25 yanvar. REPORT.AZ/ İspaniyanın "Barselona" klubunun və Braziliya milli komandasının sabiq futbolçusu Ronaldinyo karyerasını bərpa etməyə yaxındır. 

    "Report"un ESPN-ə istinadən verdiyi məlumata görə, 36 yaşlı hücumçu Braziliya "Kuritiba"sı ilə anlaşma əldə edib. Ona ayda 88 min avro maaş, eləcə də dəbdəbəli malikanə və cangüdən təklif olunub. "Sambaçı" sonuncu klubu "Flüminense"ni 2015-ci ilin sentyabrında tərk edib. Ötən mövsüm Braziliya çempionatında 15-ci yeri tutmuş "Kuritiba"nın idman direktoru Braziliya millisinin sabiq müdafiəçisi Juliano Bellettidir. O, Ronaldinyo ilə "Barselona"da birgə çıxış edib. 

    Qeyd edək ki, Ronaldinyo 2016-cı il oktyabrın 20-də "Qəbələ" klubunun dəvəti ilə Bakıda səfərdə olub. Həmin gün keçirilmiş mətbuat konfransında Azərbaycan paytaxtında Ronaldinyo Futbol Akademiyasının açılacağı bildirilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi