Yuxarı
    Bağlamaq

    Roman Qriqorçuk: "Qarabağ"la növbəti oyunda gərgin mübarizə gedəcək"

    Bugünkü qələbə finala yüksəlməyimizi rəsmiləşdirdi© courtesy image

    Bakı. 5 aprel. REPORT.AZ/ "İlk görüşdəki səfər qələbəsindən sonra finala yüksəldiyimizi demək tez idi. Bugünkü qələbə finala yüksəlməyimizi rəsmiləşdirdi. Buna görə nəticədən razıyam".

    "Report"un məlumatına görə, bunu "Qəbələ"nin baş məşqçisi Roman Qriqorçuk "İnter"i evdə 2:0 hesabı ilə məğlub etdikləri Azərbaycan Kubokunun yarımfinal matçından sonra deyib.

    Ukraynalı mütəxəssis heyətdəki futbolçuların çıxışlarına diqqət çəkib: "Rəşad Eyyubova demişəm ki, daha sadə oynasın, çox fikirləşməsin. O, üzərinə düşən işi yaxşı bilir. Mən onun Premyer Liqa səviyyəsində olmaması fkri ilə razı deyiləm. Baqali Dabo uzun müddət oynamadığı üçün hələ formada deyildi. Subotiç isə oyun üslubumuza tam uyğunlaşmayıb. Ona vaxt lazımdır. Teo Uiksi ikinci hücumçu kimi oynadırdıq. Amma dayaq yarımmüdafiəçisi kimi daha yaxşıdır".

    R.Qriqorçuk "Qəbələ"nin həm çempionluq, həm də ölkə kuboku uğrunda mübarizədə əsas rəqibi olan "Qarabağ"la oyunları ölkə futbolunun bəzəyi adlandırıb: "Bizim aramızda ciddi, gərgin mübarizə gedir. Növbəti oyunda da belə olacaq".

    Qeyd edək ki, "Qəbələ" səfərdə 3:1 hesabı ilə məğlub etdiyi "İnter" üzərində evdə 2 top fərqi ilə qələbə qazanaraq finala yüksəlib. "Qırmızı-qaralar"ın həlledici görüşdəki rəqibi "Qarabağ" - "Neftçi" cütünün qalibi olacaq.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi