Yuxarı

Roman Qriqorçuk: "Bu imkanları qola çevirməyə borclu idik"

Roman Qriqorçuk: "Bu imkanları qola çevirməyə borclu idik"
Texniki zonadan kənarlaşdırıldığım vaxt rəqib baş məşqçi ilə aramızda heç nə olmadı

Bakı. 6 noyabr. REPORT.AZ/ “Yaxşı hesab və nəticə olması üçün qol vurmaq lazımdır. Bu gün biz bir sıra qol epizodlarından yararlana bilmədik. Həmin imkanları qola çevirməyə borclu idik".

"Report" xəbər verir ki, bunu futbol üzrə Azərbaycan Premyer Liqasının XI turunun AZAL – “Qəbələ” oyunundan (0:0) sonra “qırmızı-qaralar”ın baş məşqçisi Roman Qriqorçuk mətbuat konfransında deyib.

Baş məşqçi oyun zamanı hakim tərəfindən texniki zonadan kənarlaşdırılmasına da münasibət bildirib:

"Texniki zonadan kənarlaşdırıldığım vaxt rəqib baş məşqçi ilə aramızda heç nə olmadı. Narazı qaldığım məqam göz qabağında idi. Dördüncü hakimin baş verənləri referiyə deməməsindən narazı qalmışdım. Baş hakim görməyə də bilər, amma dördüncü referi ona deməli idi. Çünki o epizoda məndən də yaxında, 1 metr məsafədə idi. Rəqib futbolçu yerdə qalan oyunçumuzun ayağına vurdu. Bu, həm futbol üçün yaxşı olmayan haldır, həm insan normalarına sığmır. Məni 100 dəfə kənarlaşdırsalar da, yenə haqlıyam. Bu hərəkət qırmızı vərəqə və 5 oyunluq cəza olmalıdır. 15-ci dəqiqədən sonra biz çoxluqda oynamalı idik. Video görüntüdə əksini tapıbsa, bunu sonadək araşdırmaq lazımdır. Həmin futbolçu cəzalanmalıdır. Baş verənlərin təsadüf, yoxsa ötən mövsümün ssenarisinin təkrarı olduğunu bilmirəm, amma bunu özümə də sual verirəm”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi