Roman Abramoviç “Çelsi”ni Böyük Britaniyanın ən varlı şəxsinə satmaqdan imtina edib

Bakı. 9 iyun. REPORT.AZ/ Rusiyalı iş adamı Roman Abramoviç “Çelsi” futbol klubunu Böyük Britaniyanın ən varlı şəxsi Cim Retkliffə satmaqdan imtina edib.

“Report” “Daily Mail”a istinadən xəbər verir ki, sərvəti 20,5 milyar funt sterlinq olaraq dəyərləndirilən C.Retkliffə R.Abramoviçin London klubunu satmaq niyyətində olmadığı bildirilib.

Qeyd edək ki, 9,3 milyard dollar sərvətə malik R.Abramoviç “Çelsi”ni 2003-cü ildə 140 milyon funt sterlinqə alıb.