"Roma" klubu qapıçı transfer edib

Bakı. 9 iyul. REPORT.AZ/ İtaliyanın "Roma" klubu heyətinə yeni qapıçı cəlb edib.

"Report" klubun Mətbuat xidmətinə istinadən xəbər verir ki, paytaxt təmsilçisi Braziliyanın "Palmeyras" klubunun qapıçısı Daniel Fusatunu heyətinə qatıb.

İtaliya təmsilçisi 21 yaşlı braziliyalı qolkiperin təqdimatını qeyri-adi şəkildə edib. Belə ki, klubun rəsmi "Twitter" səhifəsində Fusatunun fotoşopla hazırlanmış fotosu dərc olunub.