Robert Prosineçkinin köməkçisi “Panatinaikos” - “Qəbələ” oyununu izləyəcək

Bakı. 27 iyul. REPORT.AZ/ “Qəbələ” komandasının futbol üzrə Avropa Liqasının III təsnifat mərhələsində Yunanıstan təmsilçisi “Panatinaikos” ilə səfərdə keçirəcəyi ilk matçını Azərbaycan milli komandasının baş məşqçisi Robert Prosineçkinin köməkçisi də izləyəcək.

AFFA-dan “Report”a verilən məlumata görə, qapıçılar üzrə məşqçi Faiq Əzizov Afinaya ezam olunub. O, Bakı vaxtı ilə saat 22:30-da start götürəcək oyuna tribunadan baxacaq.

Qeyd edək ki, Robert Prosineçki hazırda vətəni Xorvatiyada istirahətdə olduğundan Azərbaycan klublarının cari avrokubok mövsümündə keçirdikləri 13 qarşılaşmanın heç birini stadionda izləməyib.