Yuxarı
    Bağlamaq

    ​Robert Prosineçki "Qarabağ" klubunun yoxlama oyunlarını izləyəcək

    Azərbaycan millisinin baş məşqçisi 2 oyuna baxacaq

    Bakı. 30 iyun. REPORT.AZ/ Futbol üzrə Azərbaycan milli komandasının baş məşqçisi Robert Prosineçki "Qarabağ" klubunun təlim-məşq toplanışında iştirak edəcək. "Report"un məlumatına görə, xorvatiyalı mütəxəssis iyulun 2-dən Ağdam təmsilçisinin Avstriyanın Kössen şəhərində keçirəcəyi yoxlama görüşlərini izləyəcək.

    O, iyulun 3-də Rumıniyanın "Styaua", iyulun 7-də isə Rusiyanın "Lokomotiv" (Moskva) komandaları ilə matçlara baxacaq.  

    Qeyd edək ki, "Qarabağ" Azərbaycanı Çempionlar Liqasında təmsil edəcək. Ağdam təmsilçisi qitənin ən nüfuzlu klub turnirində ilk oyununu iyulun 15-də keçirəcək. Qurban Qurbanovun rəhbərlik etdiyi komanda II təsnifat mərhələsi çərçivəsində Tofiq Bəhramov adına Respublika Stadionunda Monteneqronun "Rudar" klubunu qəbul edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi