Yuxarı

​Robert Prosineçki "Neftçi" - "Sumqayıt" matçında 2 futbolçunu bəyənib

Azərbaycan milli komandasının baş məşqçisi Xəzər Lənkəranın oyunundan narazı qalıb

Bakı. 15 dekabr. REPORT.AZ/ Azərbaycan milli komandasının baş məşqçisi Robert Prosineçki Topaz Premyer Liqasının XVI turu çərçivəsində baş tutan “Bakı” – “Xəzər Lənkəran” və “Neftçi” – “Sumqayıt” oyunlarını izləyib. "Report"un məlumatına görə, xorvatiyalı mütəxəssis həmin oyunlarla bağlı affa.az saytına fikirlərini bildirib.

R.Prosineçki hər iki qarşılaşmada azarkeş azlığından təəssüfləndiyini dilə gətirib: "Ümid edirəm ki, növbəti oyunlarda daha çox azarkeş görə biləcəyəm". 

Baş məşqçi ilk matçla müqayisədə ikincisinin daha maraqlı keçdiyini söyləyib. O, “Xəzər Lənkəran”ın "Bakı"ya qarşı sərgilədiyi oyundan narazılığını gizlətməyib: "Əvvəlki oyunlarda Lənkəran komandası yaxşı təsir bağışlamışdı. Bu dəfə də daha yaxşı oyun gözləyirdim. “Bakı”nın heyətində gənc oyunçular çoxdur. Mübarizə aparırlar, əllərindən gələni edirlər. Nəticədən razı qala bilərlər".

Neftçi” – “Sumqayıt” oyununa gəlincə, R.Prosineçki "Bakcell Arena"dakı matçın daha maraqlı və qollu keçdiyini söyləyib. O, 2 futbolçunun çıxışından razılıq ifadə edib: "Hər iki oyunda bəzi şeyləri görə bildim, bəzilərini yox. Ad çəkmək istəmirəm, “Neftçi” - “Sumqayıt” oyununda iki futbolçunun çıxışı diqqətimi çəkdi. Onlar mənim üçün önəmli oyunçulardır. Gənc və bacarıqlıdırlar”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi