Yuxarı
    Bağlamaq

    Rəşad Sadiqov və Aleksey Qayın ​forma nömrələri məlum olub

    Şaxtyorda bu nömrə ilə çıxış etmişəm

    Bakı. 8 yanvar. REPORT.AZ/ Azərbaycanın "Qəbələ" komandasının qış fasiləsində heyətinə qatdığı futbolçu Rəşad Sadiqov 6 nömrəli futbolka ilə çıxış edəcək. "Report"un klubun rəsmi saytına istinadən verdiyi məlumata görə, Aleksey Qay isə 19 nömrəli formanı geyinəcək.

    31 yaşlı yarımmüdafiəçi açıqlamasında 6 nömrənin düşərli olduğunu bildirib: "Uşaqlıqdan 6 nömrəli futbolka ilə çıxış etmişəm. Bundan öncə şərəfini qoruduğum komandalarda da bu nömrəni daşımışam".

    Ukraynalı yarımmüdafiəçi isə seçimini bu cür açıqlayıb: "19 rəqəmi mənim üçün uğurlu rəqəmdir. Futbolçu karyeramın ən uğurlu illərini yaşadığım klubda - "Şaxtyor"da bu nömrə ilə çıxış etmişəm. Məhz bu nömrə ilə böyük futbola başlamışam. Bundan əlavə qızım 19 noyabr 2004-cü ildə dünyaya göz açıb. Yəni 19-un həyatımda önəmi böyükdür". 

    Qeyd edək ki, Rəşad Sadiqovla 6 ay, Aleksey Qayla isə 1.5 il müddətinə müqavilə imzalanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi