Avropa Liqasının final oyununa xərclənən vəsait açıqlanıb

28 Yanvar , 2020 14:06

AFFA-nın 2019-cu il üçün maliyyə hesabatı açıqlanıb.

"Report"un məlumatına görə, hesabat dövründə milli assosiasiyanın gəlirləri 29 milyon 948 min 618 manat təşkil edib.

Bu məbləğin 11 milyon 964 min 760 manatı SOCAR-ın, 9 milyon 262 min 957 manatı UEFA-nın, 3 milyon 853 min 836 manatı "A" MYK-nın yayım hüquq gəlirinin, 2 milyon 787 min 590 manatı FİFA-nın, 1 milyon 170 min 577 manatı Bakcell MMC-nin, 566 min 593 manatı digər gəlirlərin, 122 min 165 manatı Procter & Gamble MMC-nin, 118 min PAŞA Sığortanın və nəhayət 102 min 140 manatı UNİCEF-in payına düşür.

Xərclər isə 23 milyon 423 min 308 manat təşkil edib. Bu məbləğdən 11 milyon 939 min 316 manat milli yığma komandalara sərf olunub. Ayrıca olaraq, 13 milyon 333 min 491 manatı ötən ilin mayında Bakı Olimpiya Stadionunda İngiltrənin "Çelsi" və "Arsenal" komandaları arasında keçirilmiş Avropa Liqasının final matçının təşkilinə xərclənib.

AFFA-nın tərkibində olan Federasiyalar və Üzvlərə ayrılan vəsaitlər:

Futzal Federasiyası - 473 min 200 manat

Futbol Veteranları İttifaqı - 183 min 384 manat

Regional Futbol Federasiyası - 221 min 490 manat

Uşaq və Gənclər Federasiyası - 255 min manat

Çimərlik Futbol Federasiyası - 96 min 326 manat

Əlillər Futbol Federasiyası - 49 min 670 mnat

Peşəkar Futbol Liqası - 204 min manat

İctimai Futbol Federasiyası - 16 min 300 manat

Tələbə Futbol Federasiyası - 51 min 500 manat

Sahə Futbol Federasiyası - 7 min 500 manat

Qarabağ Əlil Döyüşçülər Federasiyası - 22 min 500 manat