Yuxarı

"Real" "Vilyarreal" üzərində qələbəni əldən verərək gümüş medallardan məhrum olub - VİDEO

"Real" "Vilyarreal" üzərində qələbəni əldən verərək gümüş medallardan məhrum olub - VİDEO
Vilyarrealın El-Madriqal stadionunda keçirilən matç 2:2 hesabı ilə başa çatıb

Bakı. 20 may. REPORT.AZ/ Madridin "Real" klubu futbol üzrə İspaniya çempionatının 38-ci turunda "Vilyarreal" ilə heç-heçə edib.

“Report” xəbər verir ki, Vilyarreal şəhərinin"El-Madriqal" stadionunda keçirilən matç 2:2 hesabı ilə başa çatıb.

Birinci hissədə Qaret Beyl və Kriştianu Ronaldu Madrid komandasına üstünlük qazandırıb, lakin ikinci hissədə ev sahibləri Roxer Martines və Samuel Kastilyexonun vurduğu qollarla hesabda bərabərlik yaradıblar.

"Real" (76 xal) bu heç-heçə sayəsində çempionatın gümüş medallarından məhrum olub və turnirdə ikinci yeri "Atletiko Madrid"ə verərək üçüncülüklə kifayətlənməli olub. "Vilyarreal" çempionatı 61 xalla 5-ci başa vurub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi