Yuxarı

KİV: "Real Madrid" yayda Qaret Beyli satacaq

"Real Madrid" yayda Qaret Beyli satacaq

Bakı. 21 fevral. REPORT.AZ/ AVRO-2020-nin seçmə mərhələsində Azərbaycan millisi ilə eyni qrupda yer alan Uels yığmasının futbolçusu Qaret Beyl İspaniyanın “Real Madrid” klubunu tərk edəcək.

“Report” “Marca”ya istinadən xəbər verir ki, Madrid təmsilçsi əsas heyət uğrunda mübarizədə Lukas Vaskes və Vinisius Juniora uduzan 30 yaşlı yarımmüdafiəçini cari mövsüm başa çatandan sonra satacaq. Q.Beylin hələ ötən yay iş yerini dəyişmək istədiyi, lakin “Kral klubu”nun onu qalmağa razı saldığı bildirilir.

Q.Beylla İngiltərənin “Çelsi” və “Mançester Yunayted” klubları da maraqlanır. Onun London təmsilçisi “Tottenhem”ə qayıtması da mümkündür.

Qeyd edək ki, uelsli futbolçu 2013-cü ildə 101 milyon avroya “Tottenhem”dən “Real Madrid”ə keçib. Onun İspaniya klubu ilə 2022-ci ilin iyununa qədər müqaviləsi var. Azərbaycan və Uels yığmaları sentyabrın 6-da Kardiff şəhərində, noyabrın 16-da Bakıda üz-üzə gələcəklər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi