"Real Madrid" qapıçı De Xeaya görə "Mançester Yunayted"ə 70 milyon avro ödəməyə hazırdır

Bakı. 21 noyabr. REPORT.AZ/ İspaniyanın "Real Madrid" klubu qapıçı David de Xea ilə bağlı "Mançester Yunayted"ə yeni təklif göndərmək niyyətindədir.

"Report"un "Cadena Ser"ə istinadən məlumatına görə, "kral klubu" 27 yaşlı qolkiper üçün "qırmızı şeytanlar"a gələn yay 70 milyon avro ödəməyə hazırdır.

De Xeanın "Mançester Yunayted"lə müqaviləsi 2019-cu ilin iyununa qədər nəzərdə tutulub.