Yuxarı

​"Real Madrid" klubu yeni rekorda imza atıb

İspaniya təmsilçisi Çempionlar Liqasına vəsiqəni rəsmiləşdirib

Bakı. 1 may. REPORT.AZ/ İspaniyanın "Real Madrid" futbol klubu yeni rekorda imza atıb. "Report"un məlumatına görə, "kral klubu" ardıcıl 19-cu dəfə Çempionlar Liqasında iştirak hüququ qazanıb.

"Real Madrid"in Avropanın ən nüfuzlu klub turnirində iştirakı La Liqanın XXXIV turunda "Rayo Valyekano" və "Valensiya" komandalarının qarşılaşmasından sonra rəsmən dəqiqləşib. Səfər görüşündə aktivinə bir xal yazan "Valensiya"nın qarşıdakı 4 turda maksimum nəticə göstərsə də, hazırda ikinci pillədə qərarlaşan "Real Madrid"ə çatmaq imkanı yoxdur.

Madridlilərin ən nüfuzlu klub turnirinə ölkə çempionu və ya gümüş medalın sahibi kimi yollanacağı qarşıdakı turlarda məlum olacaq.

Qeyd edək ki, İspaniya La Liqasında mövsümün bitməsinə 4 tur qalıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi