Yuxarı
    Bağlamaq

    "Real Madrid" və "Yuventus" Çempionlar Liqasında yarımfinala yüksəldi

    Yarımfinal oyunları 5-6 may tarixlərində, cavab qarşılaşmalar isə 12-13 mayda keçiriləcək

    Bakı. 23 aprel. REPORT.AZ/ Aprelin 22-də futbol üzrə Çempionlar Liqasında 1/4 finalın cavab oyunlarına yekun vurulub.

    İspaniyalı futbolsevərlər Madrid derbisinin şahidi olublar. "Real Madrid" öz meydanında "Atletiko" ilə münasibətlərinə aydınlıq gətirib.

    İlk qarşılaşma qolsuz başa çatdığından, tərəflər son dəqiqəyə qədər rəqib qapısına yol tapmağa çalışıblar.

    90 dəqiqənin sonunda sevinən tərəf Havier Ernandesin 88-ci dəqiqədə vurduğu qolla "Real Madrid" olub. Sahədən minimal qələbə ilə (1:0) ayrılan Madrid klubunun rəqibi isə püşk atma nəticəsində müəyyənləşəcək.

    Qeyd edək ki, 1/4 finalın digər cavab matçında “Yuventus” səfərdə “Monako”yla qarşılaşıb.

    Bu oyun qolsuz heç-heçəylə yekunlaşsa da, "Yuventus"un ilk oyunda qazandığı 1:0-lıq qələbə İtalya azarkeşlərini sevindirib. 

    Qeyd edək ki, yarımfinal oyunları 5-6 may tarixlərində, cavab qarşılaşmalar isə 12-13 mayda keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi