Radik İsayev: "Qızıl medalda hamının xidməti var"

Bakı. 24 avqust. REPORT.AZ/ "Hələ ki, qarışıq hisslər keçirirəm. Nə baş verdiyini başa düşmürəm".

"Report" xəbər verir ki, bu fikirləri Azərbaycanın "Rio-2016" Olimpiya Yay Oyunlarında yeganə qızıl mükafatçısı taekvondoçu Radik İsayev deyib.

80 kq.-dan yuxarı çəkidə çıxış edən 27 yaşlı təmsilçimiz bu qızıl medalı tək özünün yox, bütün hamının mükafatı sayır:

"Yenicə Bakıya qayıtmışam. Bu qısa müddətdə həyatımda nə dəyişə bilər ki? Bu qızıl medal münasibətilə bütün Azərbaycan xalqını təbrik edirəm. Bu, təkcə mənim yox, ümumi uğurdur. Bunda hamının xidməti var".