Bakı. 29 oktyabr. REPORT.AZ/ İngiltərənin "Mançester Siti" futbol klubunun baş məşqçisi Xosep Qvardiolanın bacısı Françeska Qvardiola Kataloniyanın Danimarkadakı səfiri vəzifəsindən azad edilib.
"Report" "Sport" nəşrinə istinadən xəbər verir ki, İspaniya hökuməti Kataloniya muxtar vilayətinin səlahiyyətlərini məhdudlaşdırdığından, muxtariyyətin bütün səfirləri vəzifələrindən məhrum olublar.
Françeska Qvardiola Danimarkada 2017-ci ilin martından işləməyə başlamışdı.