​Qvardiola "Mançester Siti" karyerasına qələbə ilə başlayıb - VİDEO

Bakı. 14 avqust. REPORT.AZ/ "Mançester Siti" futbol klubunun yeni baş məşqçisi Xosep Qvardiola İngiltərə Premyer Liqasında debüt edib.

"Report" xəbər verir ki, "şəhərlilər" İngiltərə çempionatının start götürən ilk turunda doğma divarlar arasında "Sanderlend" ilə qarşılaşıblar.

Meydan sahibləri Serxio Aqueronun qolu sayəsində tez irəli çıxıblar, lakin 71-ci dəqiqədə "Sanderlend"in forvardı Cermeyn Defo hesabı bərabərləşdirib. "Siti" qələbəni oyunun əsas vaxtının bitməsinə üç dəqiqə qalmış əldə edib: rəqibin müdafiəçisi Padi Makneyr avtoqola imza atıb.

Qollar:

1:0 – 4, penalti Aquero, 1:1 – 71 Defo, 2:1 – 87, avtoqol Makneyr.

Beləliklə, Xosep Qvardiola özünün milli çempionatlardakı ardarda 7-ci mövsümünə qələbə ilə başlayıb.